Pajisu
Qëllimi ynë si fondacion është të shohim pastorë dhe drejtues kishash të transformuar në karakterin e Krishtit të cilët do të aftësohen për të ndikuar në kishat dhe komunitetet e tyre në drejtim të bërjes së dishepujve për veprën për të cilën Perëndia i ka thirrur dhe për t’i transformuar ata sipas planit të Perëndisë.
Liria në Krishtin Shqipëri
Fondacioni ynë “Freedom in Christ Ministries Albania” (FICMI) është themeluar në Korrik të vitit 2018 nga Peter Maris dhe Arjan Larashi i cili është aktualisht dhe drejtor ekzekutiv i fondacionit. Disa vite më parë Peter Maris kishte kontaktuar personalisht disa drejtues të organizatës ndërkombëtare të krishterë “Freedom in Christ Ministries International” dhe ata e kishin inkurajuar dhe mbështetur të fillonte një shërbesë në Shqipëri për përkthimin dhe aplikimin e materialeve të FICMI në shërbim të kishave.
Kursi “Liria në Krishtin” ishte aplikuar në Shqipëri nga pastor Arjan Larashi në Kishën Ungjillore Bilisht që ai drejtonte qysh prej vitit 2000. Peter kontaktoi me Arjanin në vitin 2014 dhe së bashku, të mbështetur nga drejtues të FICMI vendosën të themelonin fondacionin në vitin
2018.
Më shumë rreth Liria në Krishtin - Shqipëri
Dishepullizim jetëndryshues!
Kurset
tona
Në vitin 2004 Neil Anderson dhe Steve Goss, shkruan bashkë-shkrimin e Kursit “Liria në Krishtin”. Ky kurs është përdorur nga rreth 500,000 njerëz, është përkthyer në mbi 30 gjuhë dhe është burimi ynë strategjik për pajisjen e Kishës. Ka versione të tij për të gjitha brezat. Kursi
është i përkthyer dhe botuar në gjuhën shqip dhe mund ta gjeni në librarinë pranë qendrës “Stefan” në Tiranë.
Programi “Transform”
Shërbesa Ndërkombëtare "Freedom in Christ Ministries International" organizon programin 9 mujor "TRANSFORM" për pastorë, drejtues si dhe të krishterë nga shumë kombe që duan të shërbejnë e të shërohen shpirtërisht.
Kursi “Liria në Krishtin”
Ky kurs mund të zhvillohet për të gjithë besimtarët e krishterë si për ata që janë në hapat e para të besimit ashtu edhe për ata që kanë shumë vite në besim.
Kursi mbi Hirin
Ky kurs e ndihmon të krishterin të kuptojë qartë se kush është hiri i Perëndisë dhe sa rëndësi ka që të jetojmë në hir, në jetën tonë të përditshme.
Kursi “I lirë për të drejtuar”
Ky kurs është kryesisht për drejtuesit, për drejtuesit e kishave, por edhe për ata që drejtojnë një familje, një biznes apo një grup të vogël njerëzish.
Thyej fortesat e komunizmit!
Pavarësisht lirisë së besimit apo ndryshimeve demokratike, shumë mentalitete komuniste të cilat janë kundër së vërtetës së Shkrimit të Shenjtë janë pjesë e jetës sonë dhe si të tilla kanë influencuar e influencojnë në kishën shqiptare.
Retreat-e
Retreat-et apo e thënë ndryshe, kohët çlodhëse me Perëndinë, të mbledhur diku larg shtëpisë dhe shërbesave tona, organizohen prej nesh vetëm me pjesëmarrësit e programit “Transform”. Qëllimi i këtyre kohëve çlodhëse është që pastorët dhe drejtuesit të mësojnë t’i kushtojnë kohë në lutje Perëndisë duke kërkuar të dëgjojnë prej tij dhe të marrin nga Fjala e Perëndisë atë që është e vërtetë që ta zbatojnë atë. Janë kohë kur pjesëmarrësit kalojnë përmes hapave të lirisë, një paketë lutjesh çlirimi e shërimi, për të marrë lirinë që Fyma e Shenjtë jep përmes të vërtetës, Fjalës së Perëndisë. Janë kohë kur pjesëmarrësit rrëfejnë para lehtësuesve zonat e errëta të jetës frymërore e fizike dhe kur hedhja poshtë e gjënjeshtrave dhe pranimi e shpallja e së vërtetës lejojnë Frymën të bëjë shërimin dhe transformimin e duhur mendor.
Aktivitetet në të cilat ne përfshihemi
Trajnime
Ne bëjmë trajnime për pastorët dhe drejtuesit si dhe besimtarët e kishave ungjillore përsa i përket temave shumë të rëndësishme “Si të ndihmojmë të tjerët të gjejnë lirinë në Krishtin”, “Si të bëjmë dishepuj”, “Si të çlirohemi nga ankthi dhe depresioni”, “Si të gjejmë partnerin e duhur në jetë”, “Si të zgjidhim konfliktet martesore për të patur një martesë në liri të plotë”, “Si të ndihmojmë kishën të gjejë lirinë në Krishtin”, “Si të çlirohemi dhe shërohemi nga traumat e ndryshme në jetë”, “Si të disiplinojmë në kishë dhe si të restaurojmë ata që janë disiplinuar” e të tjera si këto.
Konferenca
Ne organizojmë konferenca të ndryshme me kisha, drejtues, pastorë, të rinj, gra e burra për tema të veçanta të cilat janë shumë të nevojshme për pajisjen e besimtarëve për veprën për të cilën Jezusi i ka thirrur. Fokusi ynë është pikërisht të jemi një ndihmë për pastorët, drejtuesit, kishat e shkollat biblike si dhe individët për t’i pajisur ata me asistencën e nevojshme në drejtim të mësimdhënies, trajnimit, pajisjes, këshillimit e delegimit për plotësimin e planit të Perëndisë. Konferencat synojnë çlirimin dhe shërimin shpirtëror si dhe transformimin e mendjes për të bërë një jetë sipas vullnetit të Perëndisë me gjithë plotësinë e vet. Ne kemi zhvilluar deri tani konferenca për çlirimin nga fortesat e komunizmit, çlirimin nga vartësitë e ndryshme, shërimin nga traumat, çlirimin nga ankthi, gjetjen e partnerit të duhur në jetë e të tjera.